1 ໝໍ້ · ປານກາງ · 55 ນາທີ · ₭ ປານກາງ

ມ໊ະມາ...ມື້ນີ້ ມາເຮັດຊົ້ວໄກ່ກິນ. ຊົດ ຊົ້ວໄກ່ໃຫ້ມັນຫາຍຊ່ວງຫາຍຊຶມ ຈັກບາດ :)

ວິດິໂອ

ເຄື່ອງປຸງ

• ໄກ່ເປັນໂຕ 1 ໂຕ, ນ້ຳໜັກປະມານ 1ໂລ
• ຫອມບົ່ວແດງ 2 ຫົວ, ປອກ ແລ້ວ ຜ່າເຄິ່ງ
• ກະທຽມ 4 ກີບ, ປອກ ແລ້ວ ຜ່າເຄິ່ງ
• ຂ່າຊອຍ 5 ປ່ຽງ
• ຂີງສົດ 2 ຫົວ
• ເຜັດດິບ 10 ໜ່ວຍ, less or more
• ເກືອເມັດໃຫຍ່ 2 ບ່ວງແກງ
• ແປ້ງນົວ , ໃສ່ຕາມໃຈ
• ນ້ຳປາ , ໃສ່ຕາມໃຈ
• ນ້ຳ 1.5 ລິດ
• ພິກໄທດຳປົ່ນ 1 ບ່ວງແກງ
• ຫອມເປຊອຍ 1 ຖ້ວຍນ້ອຍ
• ຫອມລາບ 1 ຖ້ວຍນ້ອຍ

ວິທີເຮັດ

1. ຈີ່ກະທຽມ, ຫອມບົ່ວ, ຂ່າ, ຂີງ, ແລະ ໝາກເຜັດໃຫ້ແຫ້ມ.

2. ຄ້າງໝໍ້ໃສ່ນ້ຳ, ເອົາໄກ່ລົງຕົ້ມເປັນໂຕ, ໃສ່ ຫົວສີໄຄທຸບ, ຫົວຂ່າ, ຂີງຈີ່. ໃສ່ເກືອປະມານ 2 ບ່ວງແກງ. ປິດຝາໝໍ້ ແລະ ຕົ້ມປະມານ 20 ນາທີ ຫຼື ຈົນໄກ່ສຸກ; ແລ້ວຕັກໄກ່ອອກໄວ້.

3. ຈົ່ງນ້ຳຕົ້ມໄກ່ໄວ້ໝໍ້, ເອົາຫົວບົ່ວ, ກະທຽມ, ແລະ ໝາກເຜັດຈີ່ ລົງໃນໝໍ້ (ໃຜມັກເຜັດລະຕຳກ່ອນຈິ່ງໃສ່). ຕື່ມເຜັດປົ່ນລົງ ແລະ ໃສ່ຫົວບົ່ວໃຫຍ່ຊອຍລົງໄປ.ປຸງຕາມໃຈ ອາດຈະໃສ່ແປ້ງນົວ ແລະ ນ້ຳປາເພີ່ມຖ້າມັກ.

4. ຈີກໄກ່ ເປັນຕ່ອນນ້ອຍ ພໍດີຄຳຕາມໃຈ. ແລ້ວຖອກໄກ່ລົງໃສ່ໝໍ້ຄືນ, ຄົນໃຫ້ເຂົ້າກັນ ຊີມລົດຊາດຕາມໃຈມັກ.

5. ໃສ່ຫອມເປຊອຍ ແລະ ຫອມລາບ ລົງໄປ. ຄົນໃຫ້ເຂົ້າກັນ. ຕື່ມພິກໄທປົ່ນ ຫຼືເຂົ້າຂົ້ວລົງໄປ ແລ້ວ ຕັກໃສ່ຖ້ວຍ ແຊບໄດ້.