4 ຄົນ · ງ່າຍ · 150 ນາທີ · ₭ ປານກາງ

ເມນູນີ້ ແມ່ນ ເຮັດໃຫ້ຂ້ອຍຄິດຮອດ ຊ່ວງຊຳເມີ, ບັນຍາກາດທ້ອງຟ້າສີຄາມ, ລົມເຢັນໆ. ແລະ ແນ່ນອນ ທຸກຄົນມ່ວນຊື່ນ ກັບການກິນ ບາບີຄິວແຊບໆ.

ເຄື່ອງປຸງ

• ສັນຄໍໝູນຸ່ມ 1 ກິໂລ, ຕັດເປັນຕ່ອນສີ່ຫລ່ຽມ ເພື່ອສຽບປີ້ງ
• ນ້ຳສົ້ມວາຍແດງ 2 ບ່ວງແກງ
• ຜົງຂີງ 2 ບ່ວງກາເຟ
• ນ້ຳເຜິ້ງ 2 ບ່ວງແກງ
• ກະທຽມສົດ 2 ກີບ
• ສະອິ້ວຍີ່ປຸ່ນ 8 ບ່ວງແກງ, ສະອິ້ວແຕ່ລະຍີ່ຫໍ້ ເຄັມຕ່າງກັນ, ໃຫ້ຊີມກ່ອນຈຶ່ງໃສ່.
• ນ້ຳ 4 ບ່ວງແກງ
• ເກືອເມັດໃຫຍ່ 1 ບ່ວງກາເຟ
• ພິກໄທດຳປົ່ນ ½ ບ່ວງກາເຟ

ວິທີເຮັດ

1. ປະສົມເຄື່ອງປຸງໃສ່ຊາມກ່ອນ: ມີນ້ຳສົ້ມວາຍແດງ+ນ້ຳເຜິ້ງ+ ຜົງຂີງ + ກະທຽມ + ນ້ຳສະອິ້ວຍີ່ປຸ່ນ + ນ້ຳດື່ມ+ ເກືອ+ ພິກໄທ.

2. ໝັກຊີ້ນໝູ 2 ຊມ.

3. ເອົາມາສຽບໃສ່ກັບໝາກເລັ່ນ ແລະ ຫົວຜັກບົ່ວໃຫຍ່ ສະຫລັບກັນ.

4. ເອົາໄປປີ້ງໄຟອ່ອນ ໃຫ້ ໝູສຸກ.

5. ເຮັດນ້ຳຊ້ອສ: ເອົານ້ຳໝັກທີ່ເຫລືອ ໄປຕົ້້ມໃຫ້ຟົດ ແລ້ວໃສ່ ໝາກເລັ່ນກະປ່ອງບົດ+ຄີມສົດ ຕົ້້ມໃຫ້ຟົດແລ້ວຖອກໃສ່ຖ້ວຍນ້ອຍ ເສີບກິນ ກັບປີ້ງ. ແຊບ !