2 ຄົນ · ປານກາງ · 30 ນາທີ · ₭ ປານກາງ

ມາເດີ ມື້້ນີ້ ຊິຊວນ ມາເຮັດ 'ຂົ້ວຊີ້ນງົວ ລາດເຕົ້າຮູ້' ວິທີເຮັດງ່າຍໆ ແຖມ ແຊບແບບຄາດບໍ່ເຖິງເລີຍລະ. ສູດຕາມລຸ່ມນີ້ເລີຍ :)

ເຄື່ອງປຸງ

• ເຕົາຮູ້ຍີ່ປຸ່ນ 1 ຕ່ອນ
• ຊີ້ນງົວຟັກໃຫ້ມຸ່ນ 100 ກຣາມ
• ຜັກຫົມ(ສະປີນັດ) 1 ມັດ, ຕັດເຄິ່ງ
• ກະທຽມ
• ເກືອ ¼ ບ່ວງກາເຟ
• ນ້ຳຕານ ½ ບ່ວງກາເຟ
• ສະອິ້ວຂາວ 1 ບ່ວງແກງ
• ນ້ຳມັນຫອຍ 1 ບ່ວງແກງ
• ນ້ຳມັນພືດ 2 ບ່ວງແກງ
• ຫອມປ້ອມຊອຍ 1 ບ່ວງແກງ
• ຫມາກເຜັດດິບ 5 ໜ່ວຍ, ຊອຍບາງໆ ໄວ້ໂຮຍໜ້າ

ວິທີເຮັດ

1. ຂົ້ວກະທຽມໃສ່ນ້ຳມັນໃຫ້ຫອມ ແລ້ວ ເອົາຊີ້ນງົວລົງ, ປຸງລົດດ້ວຍ ເກືອ,ນ້ຳຕານ, ນ້ຳມັນຫອຍ, ແລະ ສະອິ້ວຂາວ ຖ້າມັນແຫ້ງໂພດໃຫ້ຕື່ມນ້ຳຫນ້ອຍຫນຶ່ງ. ຂົ້ວຈົນຊີ້ນສຸກ ແລ້ວໃສ່ ຜັກຫົມ ແລະ ຫອມປ້ອມຊອຍລົງໄປ, ຄົນ ໄປມາ ປະມານ 1 ນາທີ ແລ້ວຊີມລົດໃຫ້ພໍດີ ແລ້ວ ປິດໄຟ.

2. ໄຂເຕົ້າຮູ້ຈາກຖົງໃສ່ຈານທີ່ຈະເສີບ, ລາດຂົ້ວຊີ້ນຮ້ອນໆນັ້ນ ລົງໃສ່ກ້ອນເຕົາຮູ້. ພ້ອມດ້ວຍໝາກເຜັດຊອຍໂຮຍໜ້າ. ເປັນອັນວ່າສຳເລັດ. ກິນກັບເຂົ້າຈ້າວ ແຊບ ໄປອີກ.