2 ຄົນ · ປານກາງ · 40 ນາທີ · ₭ ປານກາງ

ຜັດສະອິ້ວ ເປັນອາຫານ ຂຶ້້ນຊື່ ຕາມຮ້ານ ແຄມທາງ ຫລື ຮ້ານຕາມສັ່ງ ໃນເມືອງໃຫຍ່. ມື້ນີ້ລອງເຮັດກິນເອງເບິ່ງ ມັນບໍ່ໄດ້ຍາກຢ່າງທີ່ຄິດເລີຍ. ສູດຕາມລຸ່ມນີ້ເດີ:)

ເຄື່ອງປຸງ

• ເຝີເສັ້ນໃຫຍ່ 500 ກຣາມ, ຖ້າເປັນເສັ້ນແຫ້ງ ໃຫ້ຕົ້ມສຸກກ່ອນ ແລ້ວຄົນໃສ່ນ້ຳມັນປະໄວ້
• ຊີ້ນໝູສົດ 200 ກຣາມ
• ຜັກກາດນາ 100 ກຣາມ
• ໄຂ່ໄກ່ 2 ໜ່ວຍ
• ກະທຽມ 5 ກີບ, ສັບລະອຽດ
• ສະອິ້ວ 1 ບ່ວງແກງ
• ສະອິ້ວດຳ 4 ບ່ວງແກງ
• ນ້ຳມັນຫອຍ 2 ບ່ວງແກງ
• ສະອິ້ວຂາວ 1 ບ່ວງແກງ
• ຜົງປຸງລົດ 1 ບ່ວງກາເຟ
• ນ້ຳຕານ 1 ບ່ວງກາເຟ
• ພິກໄທດຳປົ່ນ ¼ ບ່ວງກາເຟ
• ນ້ຳມັນພືດ 3 ບ່ວງແກງ

ວິທີເຮັດ

1. ໝັກ ເສັ້ນໃຫຍ່ ກັບສະອິ້ວດຳ ໃຫ້ເຂົ້າກັນ ລະພັກໄວ້ ປະມານ 10 ນາທີ.

2. ຕັ້ງກະທະໃສ່ນ້ຳມັນ ເອົາກະທຽມລົງຈຽວໃຫ້ເຫລືອງ ຫອມ ແລ້ວໃສ່ ໝູ ແລະ ໄຂ່. ຂົ້ວຈົນຫມູສຸກ.

3. ເອົາເສັ້ນໃຫຍ່ລົງ ຕາມດ້ວຍ ສະອິ້ວ, ນ້ຳມັນຫອຍ, ສະອິ້ວຂາວ, ຜົງປຸງລົດ, ແລະນ້ຳຕານ. ຂົ້ວຈົນ ເສັ້ນແຍກອອກກັນ ແລ້ວໃສ່ ຜັກກາດນາ. ຂົ້ວຕໍ່ບຶດຫນຶ່ງຈົນຜັກສຸກ, ຊີມລົດຊາດ ແລະຕັກໃສ່ຈານ ເສີບ ຕື່ມພິກໄທຖ້າມັກ.