2 ຄົນ · ງ່າຍ · 20 ນາທີ · ₭ ປານກາງ

ເມນູ 'ຜັດກະເພົາງົວ ສະປາເກັດຕີ້' ງ່າຍໆ ແຕ່ແຊບ ແບບ ບໍໍ່ຕ້ອງງໍ້ ຮ້ານດັງເລີຍ. ໄປ ອ່ານ ເຄື່ອງປຸງ ແລະ ຂັ້ນຕອນ ການເຮັດເລີຍ.

ເຄື່ອງປຸງ

• ເສັ້ນສະປາເກັດຕີ້ 100 ກຣາມ, ຕົ້ມສຸກ
• ຊີ້ນງົວ 100 ກຣາມ, ຊອຍບາງ
• ຫອມບົ່ວໃຫຍ່ 1 ຫົວ, ຊອຍບາງ
• ກະທຽມ 5 ກີບ, ທັບມຸ່ນ
• ຖົ່ວຍາວ 2 ໜ່ວຍ, ຕັດຕ່ອນນ້ອຍ
• ໝາກເຜັດແຫ້ງ 5 ໜ່ວຍ, ເພີ່ມ ລົດໄດ້
• ໃບກະເພົາ 1 ຖ້ວຍນ້ອຍ
• ນ້ຳມັນຫອຍ 3 ບ່ວງແກງ
• ສະອິ້ວຂາວ ½ ບ່ວງແກງ
• ນ້ຳຕານ 1 ບ່ວງກາເຟ
• ຄະນໍຜົງ 1 ບ່ວງກາເຟ
• ນ້ຳມັນພືດ 2 ບ່ວງແກງ

ວິທີເຮັດ

ຂັ້ນຕອນ 1: ລວກເສັ້ນສະປາເກັດຕີ້ໃຫ້ສຸກ ແລ້ວຄົນໃສ່ນ້ຳມັນ ປະໄວ້

ຂັ້ນຕອນ 2: ຈຽວກະທຽມ ໃຫ້ຫອມ ແລ້ວເອົາຊີ້ນງົວລົງ, ປຸງລົດດ້ວຍນ້ຳມັນຫອຍ, ສະອິ້ວຂາວ, ນ້ຳຕານ, ຄະນໍຜົງ,. ຂົ້ວພໍສຸກ ເອົາ ຫມາກຖົ່ວ, ຫມາກເຜັດແຫ້ງ ແລະ ຫອມບົ່ວລົງ.

ຂັ້ນຕອນ 3: ເອົາເສັ້ນສະປາເກັດຕີລົງ, ຄົນໄວໆໃຫ້ເຂົ້າເຄື່ອງ ແລ້ວ ເອົາ ໃບກະເພົາລົງ. ຊີມລົດຕາມໃຈມັກ, ພ້ອມເສີບ. ແຊບ!