4 ຄົນ · ງ່າຍ · 35 ນາທີ · ₭ ຖືກ

ເຊື່ອແນ່ວ່າ ຫລາຍຄົນ ຮູ້ຈັກ ກິນ ແລະ ເຮັດແກງເຜັດ ແນ່ນອນ. ແຕ່ມື້ນີ້ ຊິມາບອກວິທີ ເຮັດ 'ແກງເຜັດໄກ່' ແບບງ່າຍໆ ໄວໆ ແລະ ກິນໄດ້ ແບບຈຸໃຈໄປເລີຍ. ເຄື່ອງປຸງ ແລະວິທີເຮັດລຸ່ມນີ້ເລີຍ:)

ເຄື່ອງປຸງ

• ໄກ່ 600 ກຣາມ
• ກາລົດ 1 ຫົວ, ຜ່າ ເປັນ6 ບີ້ງ
• ຫມາກເຂືອ 4 ໜ່ວຍ, ຜ່າ ເປັນສີ່ບີ້ງ
• ມັນຝລັ່ງ 4 ຫົວ, ຜ່າ ເປັນສີ່ບີ້ງ
• ຜັກບົວລະພາ 4 ບ່ວງແກງ
• ກະທິໝາກພ້າວ 1 ຖ້ວຍນ້ອຍ
• ເຄື່ອງພິກແກງແດງ 4 ບ່ວງແກງ
• ນ້ຳຕານປີ໊ບ 3 ບ່ວງແກງ
• ນ້ຳປາ 2 ບ່ວງແກງ
• ຄະນໍກ້ອນ ລົດໄກ່ 1 ກ້ອນ
• ນ້ຳມັນພືດ 1 ບ່ວງແກງ

ວິທີເຮັດ

ຂັ້ນຕອນ 1: ຂົ້ວເຄື່ອງພິກແກງໃສ່ນ້ຳມັນໃຫ້ຫອມ, ເອົາໄກ່ລົງຂົ້ວເຂົ້າກັນໃຫ້ໄກ່ ອອກສີນ້ຳຕານອ່ອນ.

ຂັ້ນຕອນ 2: ຕື່ມກະທິຫມາກພ້າວລົງ, ຕາມດ້ວຍມັນຝລັ່ງ, ໝາກເຂືອ, ກາລົດ, ແລະ ປຸງລົດດ້ວຍ ຄະນໍ, ນ້ຳປາ, ນ້ຳຕານ. ຕົ້້ມແລະຄົນຕໍ່ໄປຈົນກວ່າໄກ່ ແລະ ຜັກສຸກ ແລະ ໃຫ້ນ້ຳແຫ້ງຫນ້ອຍຫນຶ່ງ.

ຂັ້ນຕອນ 3: ຊີມລົດຊາດໃຫ້ພໍດີ ແລ້ວ ຕື່ມບົວລະພາ ແລະ ປົງ ພ້ອມເສີບກິນກັບ ເຂົ້າຈ້າວຮ້ອນ, ເຂົ້າກັນ ເຂົ້າກັນ. ແຊບ !