2 ຄົນ · ງ່າຍ · 30 ນາທີ · ₭ ຖືກ

ແກງຜັກກາດຊອມຫມູສັບ ແຖມຜັກຊີ ເປັນແກງຈືດ ທີ່ເຮັດງ່າຍໆ . ກິນແລ້ວ ຮູ້ສຶກ ດີ ທັງມີ ປະໂຫຍດຕໍ່ຮ່າງກາຍ. ຊິກິນກັບເຂົ້າຈ້າວ ຫລື ເຂົ້າໜຽວກະແຊບ. ຈ້ຳແຈ່ວແດ່ເນາະ ແຮ່ງຄັກໄປຕື່ມ.

ເຄື່ອງປຸງ

• ຊີ້ນໝູບົດສົດ 150 ກຣາມ
• choy-sum-vegetable 400 ກຣາມ, ຕັດເປັນຕ່ອນຍາວປະມານ 3ເຊັນ
• ຜັກຊີສົດ 4 ບ່ວງແກງ, ຜັກຊີຊອຍ
• ຫົວສີໄຄ 1 ກ້ານ
• ເກືອ 1 ບ່ວງກາເຟ
• ພິກໄທດຳປົ່ນ 1 ບ່ວງກາເຟ
• ຜົງປຸງລົດ 1 ບ່ວງກາເຟ
• ນ້ຳ 1 ລິດ

ວິທີເຮັດ

ຂັ້ນຕອນ 1. ຄ້າງໝໍ້ໃສ່ນ້ຳ+ເກືອ+ຫົວສີໄຄທຸບ ຕົ້ມໃຫ້ຟົດ.

ຂັ້ນຕອນ 2. ເອືອບຫມູສັບດ້ວຍ ພິກໄທ ແລະ ຄະນໍຜົງ ນວດໃຫ້ເຂົ້າກັນ.

ຂັ້ນຕອນ 3. ປັ້ນຫມູເປັນກ້ອນພໍດີຄຳ ລົງຫມໍໍ້ ແລະຕົ້ມປະມານ 20ນາທີ.

ຂັ້ນຕອນ 4. ໃສ່ຜັກກາດ ຕົ້ມເຂົ້າກັນປະມານ 5 ນາທີ.

ຂັ້ນຕອນ 5. ໃສ່ຜັກຊີ ຊີມລົດຊາດ ແລ້ວ ປົງ. ເປັນອັນວ່າເສັດພິທີ.