5 ຄົນ · ປານກາງ · 40 ນາທີ · ₭ ປານກາງ

ສວາຍໆຢູ່ຫ້ອງການ ອອກເງິນ ກັນລະກະ ຊື້ປາ ມາແກງ ກິນເຂົ້້າສວາຍຊຸມກັນເນາະ. ຫ້ອງການໃຜມີໝໍ້ແດງ ກະໄປລອງເຮັດເມນູນີ້ກິນເບິ່ງເດີ. ສູດງ່າຍໆລຸ່ມນີ້:

ເຄື່ອງປຸງ

• ປານິນເປັນໂຕ ½ ກິໂລ, ລ້າງ ແລ້ວຕັດເປັນຕອນ
• ນ້ຳ 1.5 ລິດ
• ຄະນໍຕົ້ມຍຳກ້ອນ 2 ກ້ອນ
• ໝາກຂາມປຽກ 1 ບ່ວງແກງ
• ຫົວສີໄຄ 4 ກ້ານ, ທຸບ ຫລື ຊອຍ
• ໃບຂີ້ຫູດ 5 ໃບ
• ຮາກຜັກຫອມປ້ອມ 3 ຮາກ
• ຂ່າຊອຍ 5 ປ່ຽງ
• ເກືອ 1 ບ່ວງກາເຟ
• ນ້ຳຕານ 0.3 ບ່ວງແກງ
• ແປ້ງນົວ 0.2 ບ່ວງແກງ, ບໍ່່ໃສ່ກະໄດ້
• ເຫັດໂຄນຍີ່ປຸ່ນ(ຂາວ) 100 ກຣາມ, ຕັດເຄິ່ງ
• ຫອມບົ່ວໃຫຍ່ 1 ຫົວ, ຜ່າແປດ
• ໝາກເລັ່ນ 3 ໜ່ວຍ, ຜ່າ ສີ່
• ຫອມບົ່ວໃບ 3 ກ້ານ, ຊອຍໄວ້
• ຫອມປ້ອມ 3 ກ້ານ, ຊອຍໄວ້
• ຜັກເຊນາລີນ້ອຍ 2 ກ້ານ, ຊອຍໄວ້
• ເຜັດດິບ 9 ໜ່ວຍ, ສາມາດໃສ່ຫນ້ອຍຫລືຫລາຍຕາມມັກໄດ້

ວິທີເຮັດ

ຂັ້ນຕອນ 1. ເອົານ້ຳໃສ່ຫມໍ້ ຕົ້ມຈົນນ້ຳຟົດແລ້ວໃສ່ ກ້ອນຕົ້ມຍຳ+ຫົວສີໄຄ+ເກືອ+ໃບຂີ້ຫູດ+ຂີງຫລືຂ່າ+ ຫມາກເຜັດ+ຫມາກຂາມປຽກ+ຮາກຫອມປ້ອມ ແລ້ວຕົ້ມອີກ 5ນາທີ

ຂັ້ນຕອນ 2. ໃສ່ປາ+ ເຫັດ ລົງຫມໍ້ແລ້ວຕົ້ມອີກປະມານ 7 ນາທີ( ຖ້າເປັນປາແຊ່ແຂງໃຫ້ຕົ້ມປະມານ10-15ນາທີ)

ຂັ້ນຕອນ 3. ໃສ່ຫອມບົວໃຫ່ຍ+ຫມາກເລັ່ນ ແລ້ວຕົ້ມອີກ 3ນາທີ ແລ້ວໃສ່ນ້ຳຕານ+ແປ້ງນົວແລ້ວຊິມ ປຸງລົດໄດ້ຕື່ມຕາມມັກ

ຂັ້ນຕອນ 4. ຈາກນັ້ນໃສ່ຫອມບົວໃບ+ຫອມປ້ອມ+ຜັກຊິນນາລີ້ແລ້ວປິດໄຟທັນທີ( ຖ້າບໍ່ປິດໄຟເລີຍຜັກຈະເຫລືອງ)

ຕັ້ກເສີບໄດ້, ແຊບ :)