1 ຄົນ · ງ່າຍ · 10 ນາທີ · ₭ ຖືກ

ເຂົ້າສວາຍມື້ນີ້ຕ້ອງ ຕຳໝາກຖົ່ວ ເທົ່ານັ້ນ. ຕຳຍາມໃດກະແຊບຍາມນັ້ນ. ຄື ມັນດີ ມັນແຊບ ຍ້ຳຖືກໝາກຖົ່ວກ໊ອບກອບ ແລະນ້ຳຕຳເຜັດ,ສົ້ມ,ຫວານ,ນົວ. ບອກເລີຍວ່າເຂົ້າກັນເຂົ້າກັນ.

ເຄື່ອງປຸງ

• ຖົ່ວຍາວ 3 ໜ່ວຍ, ຕັດປະມານ ຕ່ອນຍາວ 3 ເຊັນ
• ຫມາກເຜັດດິບແດງ 5 ໜ່ວຍ, ໃສ່ແລ້ວແຕ່ມັກ
• ກະທຽມ 1 ກີບ
• ກະປິ ½ ບ່ວງກາເຟ
• ແປ້ງນົວ 1 ບ່ວງກາເຟ, ບໍ່ມັກບໍ່ໃສ່ກະໄດ້
• ນ້ຳຕານປີ໊ບ 2 ບ່ວງກາເຟ, ນ້ຳຕານຊາຍກະໄດ້
• ປາແດກ 1 ບ່ວງແກງ
• ນ້ຳປາ ½ ບ່ວງກາເຟ
• ໝາກນາວ ½ ໜ່ວຍ
• ຫມາກເລັ່ນນ້ອຍ 5 ໜ່ວຍ, ຜ່າເຄິ່ງ

ວິທີເຮັດ

ຂັ້ນຕອນ 1. ເອົາໝາກເຜັດ, ກະທຽມ, ກະປິ, ແປ້ງນົວ, ແລະນ້ຳຕານ ຕຳລົງໃນຄົກໃຫ້ແຫລກ.

ຂັ້ນຕອນ 2. ໃສ່ໝາກຖົ່ວ ແລ້ວຕຳໃຫ້ ມັນແຕກ ແຕ່ບໍ່ມຸ່ນຫລາຍ.

ຂັ້ນຕອນ 3. ໃສ່ໝາກເລັ່ນ ບິບໝາກນາວລົງ, ຕາມດ້ວຍ ປາແດກ, ນ້ຳປາ ແລະ ຕຳໃຫ້ເຂົ້າກັນ. ຊີມລົດຊາດ ຕາມໃຈມັກ. ເສີບ ພ້ອມກັບຂຽບໝູກ໊ອບກອບ. ແຊບ :)