2 ຄົນ · ງ່າຍ · 30 ນາທີ · ₭ ຖືກ

ມື້ນີ້ປ່ຽນຈາກ ຕຳເຂົ້າປຸ້ນ ມາເປັນ 'ກ້ອຍເຂົ້້າປຸ້ນ' ເອົາສາເນາະ. ເຄື່ອງປຸງຫລັກໆ ກະຄ້າຍຄືລາບ ແຕ່ວ່າ ມີນ້ຳຕານ ແລະ ປະເພດ ຢໍ່ເຂົ້້າມາໃສ່ນຳ ລະມັນກະ ເຂົ້້າກັນດີໆ. ລອງແຕ່ງ ເບິ່ງເດີ ເວລາຕັ້ງວົງຫັ້ນນາ :)

ເຄື່ອງປຸງ

• ເສັ້ນເຂົ້າປຸ້ນ 1 ຖ້ວຍນ້ອຍ, ຖ້າເປັນເຂົ້າປຸ້ນແຫ້ງໃຫ້ຕົ້ມກ່ອນ ແລະ ລ້າງນ້ຳ ປະໄວ້ໃຫ້ເຢັນ
• ຢໍ່ໝູ 1 ຖ້ວຍນ້ອຍ, ຊອຍພໍດີຄຳ
• ຫອມບົ່ວແດງ 1 ຫົວ, ຊອຍບາງ
• ຖົ່ວຍາວ ½ ຖ້ວຍນ້ອຍ, ຊອຍບາງ
• ເຜັດດິບ 5 ໜ່ວຍ, ລົດເພີ່ມຕາມໃຈ
• ຫອມເປ 2 ບ່ວງແກງ, ຊອຍບາງ
• ໝາກນາວ 1 ໜ່ວຍ, ບີບເອົາແຕ່ນ້ຳ
• ປາແດກ 2 ບ່ວງແກງ, ຕື່ມໃສ່ອີກນຳຫລັງ
• ເຜັດຜົງ ½ ບ່ວງແກງ
• ເຂົ້າຂົ້ວ ½ ບ່ວງແກງ
• ນ້ຳຕານປີ໊ບ 1 ບ່ວງແກງ

ວິທີເຮັດ

1. ເຮັດນ້ຳແຈ່ວກ່ອນໃສ່ຊາມ: ເອົາ ປາແດກ, ນ້ຳຕານປີ໊ບ, ໝາກນາວ, ເຜັດຜົງ, ເຂົ້າຂົ້ວ ລົງ ຕີໃຫ້ ນ້ຳຕານເປື່ອຍ.

2. ຈາກນັ້ນເອົາຫອມບົ່ວແດງ, ຢໍ່ຊອຍ, ໝາກຖົ່ວ, ເຜັດດິບຊອຍ, ເຂົ້າປຸ້ນ, ຫອມເປຊອຍ ລົງ ຄົນໃຫ້ເຂົ້າກັນ ແລະ ຊີມລົດ ພ້ອມເສີບ.