2 ຄົນ · ງ່າຍ · 20 ນາທີ · ₭ ຖືກ

ມື້້ນີ້ ມີໂອກາດ ໄດ້ມາຢາມບ້ານ ເລີຍເຮັດຕຳໝາກຫຸ່ງຊຸມກັນກິນ. ມາມາ ຕຳແບບບ້ານໆ ເອົາວັດຖຸດິບ ອ້ອມຂ້າງອ້ອມແອວ. ໝາກຫົວໃຈຫລັກ ທີ່ມັນແຊບ ແມ່ນປາແດກເດີ.

ເຄື່ອງປຸງ

• ໝາກຫຸ່ງດິບ 1 ໜ່ວຍ, ຟັກແລະຊອຍໄວ້ໃຫ້ໄດ້ປະມານຖ້ວຍຫນຶ່ງ
• ໝາກນາວ 1 ໜ່ວຍ, ປາດເປັນປ່ຽງ
• ເຜັດດິບ 10 ໜ່ວຍ, ເພີ່ມລົດໄດ້
• ຫມາກເລັ່ນນ້ອຍ 6 ໜ່ວຍ, ປາດເປັນປ່ຽງ
• ກະທຽມສົດ 1 ກີບ
• ນ້ຳຕານ 1 ບ່ວງແກງ, ເພີ່ມລົດໄດ້
• ແປ້ງນົວ 1 ບ່ວງກາເຟ
• ປາແດກ 1.5 ບ່ວງແກງ
• ກະປິ 1 ບ່ວງກາເຟ

ວິທີເຮັດ

1. ກ່ອນອື່ນ ຕຳໝາກເຜັດ + ກະທຽມ+ ກະປິ +ແປ້ງນົວ + ນ້ຳຕານໃຫ້ແຫຼກກ່ອນ.

2. ເອົາເສັ້ນໝາກຫຸ່ງລົງ ຕາມດ້ວຍ ໝາກເລັ່ນ+ ໝາກນາວບີບໃສ່ ແລະ ປາແດກລົງ. ຕຳໃຫ້ເຄື່ອງທັງໝົດເຂົ້າກັນ (ໃຊ້ບ່ວງກັບສາກຄົນແລະຕຳໄປນຳ). ພໍມັນເລີ່ມມີສີສັນແລ້ວ ຊີມລົດຊາດ, ສາມາດເພີ່ມໄດ້ຕາມໃຈມັກ. ຕັກໃສ່ຈານ ເອົາກະລຳປີ ແລະ ເຂົ້າປຸ້ນ ກິນກັບ. ແຊບ!

ເຄັດລັບ: ຄວາມແຊບ ຢູ່ນຳ ປາແດກ, ຄື ປາແດກແຊບ ລະແມ່ນແຊບ