2 ຄົນ · ງ່າຍ · 15 ນາທີ · ₭ ປານກາງ

ສະລັດທູນາ ເໝາະສຳລັບ ຜູ້ກຳລັງຄຸມອາຫານ ຫລື ບໍ່ຄຸມກະໄດ້. ແຊບໄດ້ໝົດ ກິນລະສົດຊື່ນ ຊາບຊ່າ. ຄິດຫຍັງບໍ່່ອອກວ່າຊິເຮັດຫຍັງກິນ. ມາລອງເຮັດເມນູນີ້ກັນເລີຍ

ເຄື່ອງປຸງ

• ຕ່ອນປາທູນາສົດ 100 ກຣາມ, ຊອຍເປັນຕ່ອນລູກເຕົານ້ອຍ
• ຜັກສະຫລັດລວມ 2 ຖ້ວຍນ້ອຍ
• ກະທຽມສົດ 4 ກີບ, ຊອຍຕ່ອນນ້ອຍບາງໆ
• ຫົວສີໄຄ 1 ກ້ານ, ຊອຍຕ່ອນນ້ອຍບາງໆ
• ຫມາກເຜັດດິບ 2 ໜ່ວຍ, ຊອຍຕ່ອນນ້ອຍບາງໆ
• ຫອມປ້ອມຊອຍ 1 ບ່ວງແກງ
• ນ້ຳປາ 2 ບ່ວງແກງ
• ໝາກນາວ 2 ໜ່ວຍ, ຈົ່ງໄວ້ຊອຍເປັນຕ່ອນນ້ອຍໆໃສ່ສະຫລັດນຳ
• ນ້ຳຕານປີ໊ບ 1 ບ່ວງແກງ

ວິທີເຮັດ

1. ກຽມນ້ຳຍຳ: ປະສົມ ນ້ຳຕານປີ໊ບ+ນ້ຳປາ+ ນ້ຳໝາກນາວ+ໝາກເຜັດດິບຊອຍ+ກະທຽມ+ຫົວສີໄຄ. ແລ້ວຄົນ ໃຫ້ນ້ຳຕານແຕກ ແລະ ເຂົ້າກັນດີໃນຊາມກ່ອນ.

2. ຈາກນັ້ນ ເອົາປາທູນາ+ຫອມປ້ອມຊອຍ +ໝາກນາວເປັນປ່ຽງນ້ອຍລົງ ແລ້ວຄົນເບົາໆ ໃຫ້ເຂົ້າກັນກັບນ້ຳຍຳ. ຊີມລົດຊາດຕາມໃຈມັກ ແລ້ວຕັກໃສ່ຈານທີ່ມີສະລັດວາງຢູ່ແລ້ວ, ກຽມແຊບໄດ້ເລີຍ :)