6 ຄົນ · ງ່າຍ · 40 ນາທີ · ₭ ປານກາງ

ວັນເສົາ ທິດ​ຢູ່ກັບ​ຄອບຄົວ,​ເຮັດບາບີຄິວ ກິນແບບງ່າຍໆ​ກັນເທາະ.​

ວິດິໂອ

ເຄື່ອງປຸງ

• ຊີ້ນງົວ 1 ກິໂລ, ຊອຍເປັນຕ່ອນ ລູກເຕົາສ່ຳສຽບປີ້ງ
• ໝາກນັດ ½ ໜ່ວຍ, ຕັດ​ເປັນ​ຕ່ອນ​ພໍດີຄຳ ສ່ຳໄມ້ສຽບປີ້ງ
• ຫມາກເລັ່ນນ້ອຍ 10 ໜ່ວຍ
• ໝາກແຕງ 1 ໜ່ວຍ, ຕັດ​ເປັນ​ຕ່ອນ​ພໍດີຄຳ ສ່ຳໄມ້ສຽບປີ້ງ
• ໝາກເຜັດໃຫຍ່ 3 ໜ່ວຍ, ຕັດ​ເປັນ​ຕ່ອນ​ພໍດີຄຳ ສ່ຳໄມ້ສຽບປີ້ງ
• ຫອມບົ່ວໃຫຍ່ 1 ຫົວ, ຕັດ​ເປັນ​ຕ່ອນ​ພໍດີຄຳ ສ່ຳໄມ້ສຽບປີ້ງ
• ເກືອເມັດໃຫຍ່ 1 ບ່ວງກາເຟ
• ແປ້ງນົວ 1 ບ່ວງກາເຟ, ບໍ່ໃສ່ກະໄດ້
• ນ້ຳມັນຫອຍ 4 ບ່ວງແກງ
• ນ້ຳຕານຊາຍຂາວ 2 ບ່ວງກາເຟ
• ງາຂາວ 1 ບ່ວງແກງ, ໄວ້ໂຮຍຫນ້າຕອນເສີບ
• ນ້ຳມັນພືດ 3 ບ່ວງແກງ, ໄວ້ທາຕອນປີ້ງ
• ຊ໊ອດໝາກເລັ່ນ , ເປັນຊ໋ອສໄວ້ຈ້ຳ
• ຊ໊ອດໝາກເຜັດ , ໄວ້ຈ້ຳ ຫລື​ລາດຫນ້າຕອນເສີບ

ວິທີເຮັດ

1. ເອືອບຊີ້ນ​ດ້ວຍ​ ເກືອ,​ນ້ຳຕານ,​ແປ້ງນົວ, ຄະນໍ, ນ້ຳມັນຫອຍ​.​ປະໄວ້​ 30ນາທີ.

2. ເອົາ​ຊີ້ນ​ແລະ​ຫມາກເລັ່ນ,​ຫມາກນັດ, ຫມາກເຜັດ, ຫົວບົ່ວໃຫຍ່, ແລະ​ຫມາກແຕງ. ມາສຽບໃສ່ໄມ້ ສະຫລັບກັນ.

3. ເອົາໄປປີ້ງໄຟປານກາງ​ ແລະ​ເອົານ້ຳຫມັກທີ່ເຫລືອ ໃສ່ນ້ຳມັນພືດ ມາທາ​ຕອນປີ້ງ.

4. ໂຮຍດ້ວຍງາ,​ ຊອ໋ສຫມາກເລັ່ນ ຫລື​ຊອ໋ສໝາກເຜັດ ຕາມໃຈມັກ.​